He aha a Taonga Tuku Iho?

	Te Hainatanga o te Tiriti o Waitangi Whakaniua te Whakaahua+

Kōrero mō Tikanga Tuku Iho He kaupapa reo rua a Tikanga Tuku Iho i runga i te ipurangi e āhei ai ngā kura o Aotearoa ki te hanga me te tā a-ipurangi i tētahi rauemi, he taonga tuku iho o roto o te hapori te take.

He mea pupuri tēnei kaupapa i ngā kōrero hītori, me ngā tikanga i runga rorohiko mō ngā reanga e haere mai ana, e āhei hoki ai rātau ki te whakaputa, ki te whakaatu i tētahi tirohanga mō Aotearoa i runga i te ipurangi puta noa te ao.

He kore utu mō ngā kura
He kore utu noa te whai pānga atu ki tēnei kaupapa mō ngā kura katoa o Aotearoa, ā, e tuwhera ana ki ngā reanga katoa. Mā ngā wharangi ipurangi nei e āwhina ki te whakamāmā ake i te mahinga tā ā-ipurangi ki ngā ākonga me ngā kaiako.

Ngā Ākonga, ngā puna kōrero
E whakarato ana te kaupapa nei i ngā tautōhito akoako mā te whakahau i ngā ākonga kia noho hei kaituhura, hei puna kōrero, ā, mā te mahi tahi ki te rangahau, ki te tuhi, ki te tā hoki i runga i te ipurangi.

Ākona ngā taonga tuku iho ā-rohe
Tohua he taonga tuku iho ahurei, whai mana hoki hei tohatoha i runga i te ipurangi, pērā i tētahi purākau mō tētahi tangata, whanau hoki, he tohu whenua tēnā, he marae tēnā, he whare rānei.

Hononga ki ngā marau
Ko te mahi o ngā purākau ā-ipurangi o Tikanga Tuku Iho he komokomo i ngā whakamahinga ICT puta noa i ngā marautanga, pērā i te Tikanga ā-Iwi, te Hangarau me te Ingarihi. Tirohia tā mātau pae whakaata arā i http://www.livingheritage.org.nz/started/curric.shtml mō ngā marautanga.

	Te Hangarua ki te Kura o Campbell's Bay, nā Jesse Gray Whakaniua te Whakaahua+

Ko Taonga Tuku Iho he pūtere nā te Kaitiaki Whakawhitiwhitinga Kōrero 2020 rātou ko Sun Microsystems, ko te Puna Mātauranga o Aotearoa me te Kaitiaki Pokapū Akoranga o Aotearoa.